സ്ളൈഡുകളുടെ ഉപമ കവിത (ഉത്തരാധുനികന്?)
കവിത
സ്ളൈഡു*കളുടെ ഉപമ
ഒരു സ്ളൈഡിനു തണ്ടുകള് രണ്ട്
ആണ് തണ്ടും മേലൊരു പെണ് തണ്ടും
ആണ് തണ്ട് പരു പരാ പരുക്കന്
വഴു വഴാ വഴുക്കന്
പെണ് തണ്ട് ഒരു ലാസ്യം
വളവൊടിവുകളേറെ
ശകലം നിഗൂഢത
ആണ് തണ്ടും പെണ് തണ്ടും ചേരുന്നൊരു വളവില്.
ഇരു തണ്ടും ചേര്ന്നാലേ സ്ളൈഡാവുകയുള്ളൂ.
ബലമായൊന്നകത്തിയാല്
തണ്ടു രണ്ടുമകന്നു പോം
പിന്നെയതിന്നിടയില്
അമര്ന്നിരിക്കില്ല മുടിയിഴകള്
ആണ് തണ്ടും പെണ് തണ്ടും ചേരുന്നൊരു വളവില്.
അതിന്നിടയിലാണ്
ജീവിതമാം മുടിയിഴകള്
ഒരു സ്ളൈഡിനു തണ്ടുകള് രണ്ട്
ആണ് തണ്ടും മേലൊരു പെണ് തണ്ടും
ആണ് തണ്ടും പെണ് തണ്ടും ചേരുന്നൊരു വളവില്.
ലൌവ്,ലൈഫ്,ഫാമിലി....
ദൈവമേ, ഒരു സ്ളൈഡിന്റ്റെ വളവ്...
*സ്ളൈഡ് = നാടന് ഹെയര് പിന്ന്